«Тілдер аралы» интеллектуалды ойын

Тілдер күніне орай 3–4 сынып оқушылары арасында «Тілдер аралы» тақырыбында интеллектуалды ойын өткізілді. Іс-шараның мақсаты – оқушыларға сөз құдіретін ұғындыру, тілдің адам өміріндегі маңызын түсіндіру, тілге байланысты мақал-мәтелдер мен тұрақты сөз тіркестерін еске түсіру, сондай-ақ топпен жұмыс істеу дағдыларын қалыптастыру.
Интеллектуалды ойын 4 кезеңнен тұрды. Әр кезеңде оқушылардың тілдік қорын, ойлау қабілетін және тапқырлығын дамытуға бағытталған тапсырмалар берілді. Атап айтқанда, тілге байланысты сұрақтар, мақал-мәтелдерді жалғастыру, тұрақты сөз тіркестерінің мағынасын түсіндіру және шығармашылық тапсырмалар орындалды. Оқушылар топ болып бірлесіп жұмыс жасап, өз білімдері мен белсенділіктерін көрсете білді.